BAB II
KECAP RAJEKAN
2.1. Wangenan
Kecap rajekan teh mangrupa wangun kecap jembar hasil tina proses ngarajek
atawa reduplikasi.
Reduplikasi mangrupa ngarajek sagemblengna atawa sabagian wangun dasar (base),
kalawan atawa tanpa parobahan jero, saacan atawa sanggeus ngawujud wangun
dasarna.
Kecap rajekan
mangrupa hasil tina proses ngarajek kecap, nya eta proses ngawangun kecap ku
cara ngarajek (ngulang) sabagian atawa sagemblengna wangun asal, boh binarung
rarangken boh henteu (Sudaryat, 1985:69).
Jadi kacindekkanana,
kecap rajekan mangrupa hasil tina proses ngarajek, sedengkeua anu dimaksud
proses ngarajek nya eta proses ngawangun kecap ku jalan ngarajek (malikan)
wangun dasar sagemblengna atawa sabagian, boh binarung ku variasi fonem boh
henteu, bisa make rarangken bisa henteu. Proses ngarajek kecap aya nu dua kali
aya oge anu tilu kali. Nu dua kali ngawengku, Dwilingga, Dwipurwa jeung
Dwimadya. Anu tilu kali nya eta Trilingga. Tri Lingga jeuug Dwi Wasana
sabenerna teu aya wangun dasarna. Lantaran reu bisa kaparanggih wangun dasarna,
teu kaasup kana kecap rajekan jadi Trilingga jeung Dwi Wasana.
2.2. Wangun Rajekan Kecap
Wangun rajekan kecap nyaeta wangun kecap anu
dirajek jeung lamun ditilik tina jihad strukturna bakal ngabalukarkeun ayana
hubungan gramatik antara wangun dasar jeung wangun rajekan.
a.
Dwilinga
Cindekna dwilingga nyaeta kecap rajekan nu mangrupa hasil ngarajek
wangun asal atawa wangun dasar sagemblengna boh dibarung ku robahna sora boh
henteu, bisa binarung jeung rarangken boh henteu. Ku kituna, dwilingga
ngawengku dwimurni, dwireka, jeung dwilingga binarung rarangken.
(1).
Dwimurni
Dwimurni
nyaeta dwilingga kecap rajdkan nu mangrupa hasil ngarajek wangun dasar
sagemblengna tur teu dibarung jeung variasi fonem atawa teu robah sora,
(2). Dwireka
Dwireka nyaeta
dwilingga nu ngalaman robah fonem vokal boh dina unsur kahiji boh dina unsur
kadua (Sutawijaya, spk., 1982:12). Dwireka nyaeta kecap rajekan nu diwangun ku
cara nyebut dua kali wangun asal sarta binarung jeung variasi fonem (robah
sora) (Sudaryat, 1985 : 70).
(3). Dwilingga Binarung Rarangken
Nu dimaksud
dwilingga binarung sarangken nyaeta kecap rajekan hasil ngarajek wangun asal
atawa dasar sagemblengna boh dibarung jeung robahna sora boh heunteu tur
dibarung ku rarangken. Ku kituna, dwilingga dibarung rarangken ngawengku
dwimurni binarung rarangken jeung dwireka binarung rarangken,
b.
Dwipurwa
Dwipurwa nyaeta kecap rajekan nu dihasilkeun tina proses ngarajek
engang mimiti (silabe kahioi) wangun asal atawa wangun dasar, boh binarung
rarangken, boh heunteu.
c.
Dwimadya
Dwimadya nya eta
kecap rajekan nu dihasilkeun tina proses ngarajek engang tengah wangun dasar
ataiwa asal boh hinarung rarangken boh heunteu.
Conto dwimadya teu
make rarangken anu geus kapanggih ngan ukur kecap sababaraha.
Conto dwimadya
binarung rarangken nya eta:
sapopoe sadidinten
sajoljoleun
sagokgokeun
sapeupeutinq sagepgepeun
d.
Trilingga
Trilingga nya eta kecap rajekan nu diwangun ku cara
ngulang atawa nyebut tilu kali, wangun asalna, biasana mangrupa
kecap anteuran, tiruan sora, sarta binarung jeung variasi fonem (Sudaryat,
1985:65).
Ku kituna, proses nyebutkeun tilu kali
saperti kasebut di luhur, salawasna bakal timbul robah vokal dumasar kana pola
nu tangtu. ieu hal utamana mah lantaran mandiri ayana dina basa Sunda teh masih
keneh hirup. Contona:
blak-blek-blok dar-der-dor
plak-plek-plok dag-dig-dug
gang-ginq-gung
plak-plik-pluk
2.3.
Fungsi Ngarajek Kecap
Fungsi ngarajek kecap nyaeta fungsi nu
ngahasilkeun warna kecap anyar. Ku kituna, medar perkara fungsi rajekan kecap
raket patalina jeung papasingan warna kecap nu jadi cecekelanana.
Pedaran ngeunaan Papasingan kategori kecap
beunang Sutawijaya, spk. Bisa nempo dina perkara “Papasingan Kecap Dumasar kana
Kategorina (Warnana)” :
a) Fungsi Nominal
Fungsi nominal nyaeta fungsi rajekan pikeun ngawangun atawa ngarobah
warna kecap sejen jadi kecap barang, contona:
bawa (Verbal) robah
jadi babawaan
gede (ajektiva) robah jadi gegeden
b)
Fungsi
Verbal Fungsi verbal nya eta fungsi rajekan pikeun
ngawangun atawa ngarobah warna kecap sejen jadi kecap pagawean, contona:
beja (nomina) robah jadi bebeja
reuwas (ajektiva) robah jadi ngareureuwas
sodor (cakal) robah jadi disodor-sodorkevn
c) Fungsi Ajektival
Fungsi ajektival nya eta fungsi rajekan pikeun ngawangun atawa
ngarobah warna kecap sejen jadi kecap sipat, contona:
asa (cakal) robah jadi asa-asa
ati (nomina) robah jadi ati-ati
dor (partikel) robah jadi dar-der-dor
d) Fungsi Numeral
Fungsi numeral nya eta fungsi rajekan pikeun ngawangun atawa
ngarobah warna kecap sejen jadi kecap bilangan, contona:
likur (cakal) robah jadi manglikur-likzcr
pirang (cakal) robah jadi mangpirang-pirang
welas (cakal) robah jadi welas-welas
2.4.
Ciri rajekan kecap
Nu dimaksud ciri kecap rajekan dina
ieu pedaran nya eta identitas rajekan nu ngawengku ciri semantik jeung ciri
morfologis. Ciri semantik nya eta ciri kecap rajekan nu aya patalina jeung
robahna wangun sarta harti kecap, sedengkeun ciri morfologis nya eta ciri kecap
rajekan nu aya patalina jeung robahna wangun sarta kategori kecap.
Ciri nu kahiji yen wangu dasar kecap
rajekan kudu ngandung harti sakurang – kurangna harti pokok, contona : sesepak,
tatajong, babayaran. Kaasup kecap rajekan sabab mangrupa wangun dasar numiboga
harti beda jeung kecap kadongdong, congcorong, teu kaasup kecap rajekan, sabab
ngawangun dasar nu teu ngaboga harti.
Ciri nu kadua netelakeun yen antara
mangun rejekan jeung wangun dasar salawasna aya perbedaan identitas pleksikal
jeung identitas kategorial cara conto kukudaan.
Ciri nu katilu netelakeun yen asal kecap
rajekan bisa mandeg mandiri salaku satuan basa miboga harti, contona ngabibita,
sok sanajan euwueh wangun dasar bita.
Ciri nu kaopat netelakeun yen wangun
rajekan nu masih keneh bisa dirajek teu kaasup kana wangun rajekan, contona
cakakak.
Tag :
MAKALAH BAHASA SUNDA
0 Komentar untuk " CONTOH LAPORAN KECAP RAJEKAN BAB II "